CLWB JAZZ GLAN YR AFON: Hydref 2025 Kat Rees a Tom Barber yn ogystal â gwestai arbennig

The Riverfront, Kingsway, Newport, NP20 1HG
Dangos ar fap

Dydd Gwener 10th Hydref 20:30

Gwybodaeth CLWB JAZZ GLAN YR AFON: Hydref 2025 Kat Rees a Tom Barber yn ogystal â gwestai arbennig

Tocynnau – £12

* Mae Clwb Jazz Glan yr Afon yn noson fisol sy'n arddangos rhai o'r talentau lleol gorau sy'n dod i'r amlwg ym myd Jazz, cerddoriaeth wedi’i hysbrydoli gan Jazz, Ffync, Soul ac R&B. Mwynhewch goctel a synau soniarus artistiaid lleol yng ngofod stiwdio clyd Theatr Glan yr Afon.

Mae Kat Rees yn gantores jazz ddwyieithog o Gymru ac mae ei llais cyfareddol a'i dehongliadau llawn enaid wedi ennill lle iddi yng nghalonnau selogion jazz. Mae Kat i’w chlywed ar BBC Radio Cymru yn rheolaidd, ac mae hi hefyd wedi bod yn llais amlwg ar y rhaglen “Soweto Kinch: ‘Round Midnight” ar BBC Radio 3. Roedd ITV Wales wedi nodi mai ei EP byw cyntaf gyda The Siglo Section oedd yr alawon band mawr (big band) Cymraeg gwreiddiol cyntaf i fodoli. Mewn erthygl ar gyfer BBC Cymru Fyw, fe wnaeth Tomos Williams ei disgrifio hi: "Dychmygwch Ella Fitzgerald a'i cherddorfa yn canu yn Gymraeg, a dy' chi ddim yn bell ohoni." Yn adnabyddus am gyfuno jazz traddodiadol â dylanwadau cyfoes, mae Kat yn parhau i swyno cynulleidfaoedd ar y llwyfan ac ar yr awyr.