Cawl a Drudwennod yng Ngwlyptiroedd Casnewydd RSPB

RSPB Newport Wetlands, West Nash Road, Newport, NP18 2BZ
Dangos ar fap

Gwybodaeth Cawl a Drudwennod yng Ngwlyptiroedd Casnewydd RSPB

Wrth i'r hydref droi’n aeaf, mae cymylau drudwy yn olygfa bywyd gwyllt ysblennydd na ddylid ei cholli yng Ngwlyptiroedd Casnewydd. Bydd y digwyddiad hwn yn dechrau gyda chwpan cynnes o gawl cartref o'n caffi a chyflwyniad i helpu i ddatrys rhai o ddirgelion y cymylau drudwy. Yna byddwn yn mynd ymlaen i'r warchodfa gyda'n tywyswyr gwybodus ac yn dangos y lleoedd gorau i chi weld y cymylau drudwy drosoch eich hunain.

Yn ogystal â sioe wych y drudwy, rydym yn aml iawn yn gweld ysglyfaethwyr fel boda’r wern neu’r gwalch glas yn hela wrth i'r haul fachlud dros y gwelyau cyrs. Wrth gwrs ni allwn warantu y bydd y drudwennod yno ond mae'n anarferol ym mis Tachwedd a Rhagfyr i beidio â gweld unrhyw gymylau drudwy yng Ngwlyptiroedd Casnewydd.

Cyrhaeddwch yn brydlon 10 munud cyn i'r digwyddiad ddechrau i gofrestru yn y ganolfan ymwelwyr. Mae tocynnau'n gyfyngedig ar gyfer y digwyddiadau hyn, felly rydym yn eich cynghori i archebu lle cyn gynted â phosibl er mwyn osgoi cael eich siomi. Byddwn yn cynnal y digwyddiadau hyn ym mron pob tywydd gan nad yw’r gwynt a’r glaw yn atal y drudwennod!

Gwefan https://events.rspb.org.uk/events/89881?showItems=1