Cawl a Drudwy yng Ngwlyptiroedd Casnewydd

RSPB Newport Wetlands, West Nash Road, Nash, Newport, Newport, NP18 2BZ

Gwybodaeth Cawl a Drudwy yng Ngwlyptiroedd Casnewydd

Wrth i'r hydref droi’n aeaf, mae cymylau drudwy yn olygfa bywyd gwyllt ysblennydd na ddylid ei cholli yng Ngwlyptiroedd Casnewydd. Bydd y digwyddiad hwn yn dechrau gyda phowlen gynnes o gawl wedi’i wneud yn lleol o'n caffi a chyflwyniad i helpu i ddatrys rhai o ddirgelion y cymylau drudwy. Yna byddwn yn mynd ymlaen i'r warchodfa gyda'n tywyswyr gwybodus ac yn dangos y lleoedd gorau i chi weld y cymylau drudwy drosoch eich hunain.

Yn ogystal â sioe wych y drudwy, rydym yn aml iawn yn gweld ysglyfaethwyr megis boda’r wern neu’r gwalch glas yn hela wrth i'r haul fachlud dros y gwelyau cyrs. Wrth gwrs, ni allwn warantu y bydd y drudwy yno, ond mae'n anarferol ym mis Tachwedd a mis Rhagfyr i beidio â gweld unrhyw gwmwl drydwy yng Ngwlyptiroedd Casnewydd. Cyrhaeddwch yn brydlon 10 munud cyn i'r digwyddiad ddechrau i gofrestru yn y ganolfan ymwelwyr. Mae tocynnau'n gyfyngedig ar gyfer y digwyddiadau hyn, felly rydym yn eich cynghori i gadw lle cyn gynted â phosibl er mwyn osgoi cael eich siomi. Byddwn yn cynnal y digwyddiadau hyn bron ym mhob tywydd gan na fydd y gwynt na’r glaw yn atal y drudwy!
Beth arall sydd i'w wneud yng Ngwlyptiroedd Casnewydd? Mae'r caffi ar agor 10am-4pm. Gallwch logi ysbienddrych o'r ddesg groeso. Mae gennym faes parcio sydd am ddim i aelodau'r RSPB ac sy’n costio £5 y car am y dydd, i bobl nad ydynt yn aelodau.

Oes rhaid i mi ddod â thocyn wedi’i argraffu i’r digwyddiad? Dewch â phrawf wedi’i argraffu neu electronig o'ch tocyn. Os gwnaethoch chi gadw lle fel aelod o'r RSPB, mae angen i'r aelod hwnnw ddod â'i gerdyn aelodaeth gydag ef.

Beth sydd angen i mi ddod ag ef? Gwisgwch yn briodol ar gyfer y tywydd a’r amodau, gan gynnwys esgidiau cadarn. Bydd disgwyl i chi sefyllian am ychydig, felly gwisgwch ddillad mewn haenau cynnes, gan y gall fod yn oer iawn allan yn y warchodfa. Dylid dod ag offer tywydd gwlyb rhag ofn. Dewch â'ch ysbienddrych, eich sgôp neu'ch camera os ydyn nhw gennych i'ch helpu i gael golwg agosach ar y bywyd gwyllt y gallen ni ei weld. Efallai y byddwch am ddod â diod a/neu fyrbryd.

Alla i ddod â'm ci? Dim cŵn os gwelwch yn dda, ac eithrio cŵn cymorth.