Mekons

Corn Exhcnage, High Street, Newport, NP20 1AA
Dangos ar fap

Dydd Gwener 9th Mai 19:00 - 23:00

Gwybodaeth Mekons

Anturiaethwyr sonig, ffyddloniaid roc pync, gwrthsafwyr brwd, alltudion o’u gwirfodd.

"Y Mekons yw'r grŵp mwyaf chwyldroadol yn hanes roc a rôl" - ysgrifennodd yr adolygydd cerddoriaeth roc Lester Bangs.

Sefydlwyd y band arloesol, y Mekons, yn Leeds, Lloegr, ym 1977. Yn wreiddiol yn rhan o'r sîn pync Brydeinig newydd, aethant ymlaen o fod yn fyfyrwyr celf heb unrhyw sgiliau cerddorol i fod yn epil cynhyrchiol, croch Hank Williams. Mae aelodaeth hirsefydlog presennol y grŵp wedi aros yr un fath ers canol y 1980au, ac maen nhw’n parhau i deithio a rhyddhau cerddoriaeth newydd yn rheolaidd hyd heddiw. Mae eu hanes nhw yn hanes annhebygol – brwdfrydedd annisgwyl a dylanwadol dros gerddoriaeth werin a gwlad, gan arbrofi ambell waith gyda'r byd celf. Maen nhw bob amser wedi gweithio’n gydweithredol ac ar y cyd gyda’r gydnabyddiaeth am bob gwaith yn enw'r band, ac nid enwau unigolion. Mae eu cynnyrch syfrdanol yn pylu'r llinellau rhwng celf uchel ac isel yn gyson ac mae wedi cynnwys arddangosfeydd yn y Deyrnas Gyfunol a'r Unol Daleithiau, sioe gerdd orffwyll am fôr-ladron a recordiwyd ac a lwyfannwyd gyda Kathy Acker, perfformiad celf gyda Vito Acconci a sawl llyfr gan gynnwys y catalog celf unigryw/nofel anorffenedig Mekons United. Cafodd "Revenge of the Mekons", rhaglen ddogfen am y band, ei rhyddhau ledled y deyrnas yn 2015 ar Music Box Films. Mae'r Mekons yn parhau i wneud cerddoriaeth feiddgar, annisgwyl wrth aros yn driw i'r ethos pync. Mae eu cynnyrch syfrdanol yn pylu'r llinellau rhwng celf uchel ac isel yn gyson ac maen nhw’n parhau i fod yn un o'r bandiau byw gwirioneddol wych.

Recordiwyd eu halbwm diwethaf "Exquisite" yn gyfan gwbl o bell yn ystod misoedd cynnar y cyfnod clo a chafodd ei ryddhau ar Bandcamp ym mis Mehefin 2020. Mae'r band yn gweithio gyda Fire Records ar eu halbwm newydd a fydd yn cael ei gyhoeddi yn 2025. Bydd y sengl o'r albwm hwnnw, "You're Not Singing Anymore", yn cael ei rhyddhau ar Fire Records ddechrau mis Tachwedd 2024.