Coffi Creadigol: Ionawr (Casnewydd)

The Riverfront, Sbarc | Spark, Newport , NP20 1HG
Dangos ar fap

Gwybodaeth Coffi Creadigol: Ionawr (Casnewydd)

Mae Caerdydd Greadigol, mewn partneriaeth â Chyngor Casnewydd, yn cynnal digwyddiad cymdeithasol misol ar gyfer artistiaid, busnesau a gweithwyr llawrydd creadigol rhwng Ionawr a Mawrth 2024, sef 'Coffi Creadigol'. Bydd y digwyddiadau anffurfiol hyn yn dod â chymuned greadigol Casnewydd at ei gilydd i fwynhau’r tri C hollbwysig - cysylltiad, creadigrwydd, caffein.

Ymunwch â ni am gyfle i gyfarfod, cysylltu a dysgu gan bobl greadigol eraill, p'un a ydych newydd ddechrau arni neu wedi bod yn gweithio yn y diwydiant ers degawdau. Mae pob sesiwn Coffi Creadigol yn dechrau gyda sgwrs TED-aidd ar thema sy'n berthnasol ar draws yr holl sectorau creadigol, ac yna awr anffurfiol i eistedd, sgwrsio a bwyta cacen! Mae'r rhain yn gyfarfodydd hamddenol i gwrdd â phobl greadigol eraill a rhannu cyfleoedd.

Creu cynnwys digidol
Bydd Coffi Creadigol y mis hwn yn dechrau gyda sgwrs fer gyda’r newyddiadurwr a'r ysgrifennwr copi, Amy Pay, ar greu cynnwys.

Mae Amy Pay yn newyddiadurwr, ysgrifennwr copi ac ymgynghorydd creadigol hynod brofiadol ym Mhrifddinas-Ranbarth Caerdydd. Gyda chefndir amrywiol ym maes cyfryngau print, darlledu a newyddiaduraeth ddigidol, mae'n defnyddio ei sgiliau i helpu pobl i gyfleu eu straeon trwy eiriau, strategaeth a syniadau creadigol. Mae hi wedi gweithio gyda chleientiaid bach a mawr, gan gynnwys Lonely Planet, Croeso Cymru, The Telegraph, Evening Standard a The Guardian, ac mae ei harbenigeddau’n cynnwys teithio yn y DU, busnesau bach, coffi arbenigol a diwydiannau creadigol. Fel gweithiwr llawrydd, mae Amy yn mwynhau cael y rhyddid i gofleidio pob math o hobïau creadigol, o grochenwaith a threfnu blodau i gerddoriaeth a gemau fideo.

Digwyddiad Canolfannau Clwstwr y Diwydiannau Creadigol, dysgwch fwy.

Mae Canolfannau Clwstwr y Diwydiannau Creadigol yn brosiect aml-randdeiliad dan arweiniad Canolfan yr Economi Greadigol Prifysgol Caerdydd. Mae'n gweithio mewn partneriaeth ag awdurdodau lleol ar draws Prifddinas-Ranbarth Caerdydd i gynnull rhwydweithiau a gweithgarwch creadigol ar lawr gwlad.

Gwefan https://www.eventbrite.co.uk/e/creative-cuppa-january-newport-paned-i-ysbrydoli-ionawr-casnewydd-tickets-793127314147?aff=oddtdtcreator