Digwyddiadau Agored Coleg Gwent — Dydd Mawrth 17 Mehefin 2025

Newport Campus, Nash Road, Cardiff, NP19 4TS
Dangos ar fap

Dydd Mawrth 17th Mehefin 17:00 - 19:30

Gwybodaeth Digwyddiadau Agored Coleg Gwent — Dydd Mawrth 17 Mehefin 2025

Am y tro olaf y flwyddyn academaidd hon, mae Coleg Gwent yn croesawu dysgwyr y dyfodol i Ddigwyddiadau Agored ym mhob un o'r pum campws — Blaenau Gwent, Casnewydd, Crosskeys, Torfaen a Brynbuga — rhwng 5 a 7.30pm ar 17 Mehefin 2025.

Gyda thymor newydd mis Medi yn prysur agosáu, gall dewis y cwrs a'r llwybr gyrfa cywir fod yn dasg frawychus, ond mae gan Goleg Gwent rywbeth at ddant pawb — p'un a ydych chi'n bwriadu cwblhau Safon Uwch, cyrsiau galwedigaethol, prentisiaethau neu gyrsiau addysg uwch.

Mae mynychu Digwyddiad Agored yn ffordd wych o ddysgu mwy, cael arweiniad arbenigol ac atebion i'ch cwestiynau, cyn gwneud unrhyw benderfyniadau terfynol.

Pam mynychu digwyddiad agored ar y campws?
Gallwch…
- Wrando ar sgyrsiau croeso a chymryd rhan mewn taith campws.
- Cael gwybod am gyrsiau llawn amser, rhan amser a chyrsiau addysg uwch.
- Edrych o gwmpas y campysau a'r cyfleusterau o'r radd flaenaf.
- Cwrdd â'r darlithwyr a chael gwybod am yrfaoedd posibl.
- Cael gwybodaeth am gymorth ariannol a theithio.
- Dysgu am fywyd yng Ngholeg Gwent, gan gynnwys gwasanaethau cymorth i fyfyrwyr, gweithgareddau allgyrsiol, undeb y myfyrwyr, a mwy.
- Gwneud cais yn y digwyddiad trwy lenwi ffurflen gais gyda chymorth staff profiadol.

Bydd pob un o'r pum digwyddiad agored yn cael eu cynnal ddydd Mawrth 17 Mehefin, 2025 ar draws campysau Coleg Gwent — ond nid yw pob campws yn cynnig yr un cyrsiau, felly gwnewch yn siŵr eich bod yn edrych ar-lein i osgoi cael eich siomi.

Ydych chi'n meddwl ymuno ag un o'n cyrsiau poblogaidd?
Rydym yn gweithredu system rhestr aros ar gyfer cyrsiau sy'n llawn ar hyn o bryd, ond peidiwch â gadael i hynny eich atal. Mae croeso mawr i chi fynychu'r digwyddiad a siarad â'n tiwtoriaid. Byddan nhw yn hapus i'ch helpu i archwilio eich opsiynau a dod o hyd i'r cwrs sy'n iawn i chi.

Barod i wneud cais?
Gall dysgwyr y dyfodol wneud cais am eu cyrsiau dymunol ar-lein neu yn y digwyddiadau agored eu hunain - lle bydd cymorth a chefnogaeth wrth law gan y tîm.

Efallai fod mis Medi yn ymddangos yn bell i ffwrdd, ond mae'n dda bod yn barod.

Gwefan https://www.coleggwent.ac.uk/open-events?utm_source=PMax&utm_medium=cpc&utm_campaign=Open_Events_Jan&gad_source=1&gclid=Cj0KCQjw4cS-BhDGARIsABg4_J2TcVXXRPz7RaqQqLnm7VtaK3_njA3OeG_TJY-mFGPTapcOShuk300aAhBfEALw_wcB