The Riverfront Theatre, Kingsway, Newport, NP20 1HG
Dydd Sadwrn 24th Hydref 20:00 - 21:00
Gwybodaeth ATTILA THE STOCKBROKER - 40 Years in Rhyme
Daeth y bardd pync, y canwr-gyfansoddwr a'r aml-offerynnwr Attila the Stockbroker i sylw’r cyhoedd ym 1982-3 trwy ddwy sesiwn John Peel a chlawr blaen Melody Maker, ac mae bellach yn dathlu deugain mlynedd yn ennill bywoliaeth yn gwneud yr hyn y mae'n ei garu. Hyd yn hyn: 4000 gig mewn 24 gwlad, tua 20 CD/s LP, wyth llyfr o gerddi, ei hunangofiant 'Arguments Yard' (Cherry Red Books, 2015) a'i weithiau casgliad 'Heart on my Sleeve' (2021) Ei albwm diweddaraf, sydd newydd allan, yw casgliad o farddoniaeth dyb '40 Years In Rhyme' gyda rhythmau o Kingsley Salmon a What's Left Dub, ac mae ei un blaenorol, 'Restoration Tragedy' o 2018 yn cyfuno cerddoriaeth gynnar a phync – uchelgais gydol oes – gyda straeon am Chwyldro Lloegr yn 1649. Allbwn sy'n cael ei ddisgrifio orau fel eclectig. (Adolygiadau ar waelod y dudalen.)
Mae perfformiad cyfredol Attila yn cynnwys gair llafar, barddoniaeth dyb, caneuon acwstig, ychydig o gerddoriaeth gynnar ar offerynnau hynafol... ac, yng Nghymru, ychydig o Gymraeg. Mae newydd ysgrifennu ei gerdd gyntaf ynddo, 'Cerddi David', teyrnged i'w ddiweddar gyfaill Dave Datblygu. A dyna stori i chi.
Yng nghanol yr wythdegau cyfarfu Attila â'r arloeswyr pync Cymraeg Anhrefn a Datblygu a threfnu eu gigs cyntaf erioed yn Lloegr. Mae wedi bod ganddo gysylltiadau â'r sin byth ers hynny, wedi gwneud gigs di-ri ledled Cymru, ac fel ieithydd brwd ers blynyddoedd mae wedi caffael darnau o Gymraeg o arwyddion ffyrdd a siopau a geiriau gwych ei gyfaill David R Edwards, bardd ac arweinydd Datblygu. Yn anffodus, bu farw David yn ystod y cyfnod clo, ac fel teyrnged iddo mae Attila wedi penderfynu dechrau prosiect o'r enw Dim Google Translate. Yn ystod ei gigs yng Nghymru mae'n mynd i geisio codi cymaint o'r iaith â phosibl heb ddefnyddio'r ap uchod.